[Talk-is] Hvernig á að merkja bílastæði við götu í OSM?

[Svavar Kjarrval]

Sæl öll.

Ef ég er í vafa lít ég oft á OSM wiki síðuna fyrir það sem ég er 
forvitinn um og met svo með hliðsjón af álitaefninu sem ég er að spá í 
og hvort þær séu gagnlegar upp á alþjóðlega samræmið. Hið síðastnefnda 
getur verið gagnlegt upp á líkurnar á erlendum tólum, hvort sem það er 
kortagerðarhugbúnaður, OSM quality assurance hugbúnaður, eða möguleikinn 
á tölfræðiupplýsingum.

Við lestur á Tag:amenity=parking og Key:parking:lane sýnist mér að það 
ætti að nota hið síðarnefnda fyrir bílastæði meðfram götum (merkt á 
götulínunni sjálfri) en hið fyrrnefnda þegar um er að ræða sérstök svæði 
og/eða byggingar í þeim tilgangi. Því teldi ég persónulega gagnlegra að 
umbreyta þeim merkingum þar sem bílastæðasvæði eru merkt meðfram götum 
yfir í viðeigandi parking:lane gildi [1] eftir því sem tilefni er til.

[1] Sjá https://wiki.openstreetmap.org/wiki/Key:parking:lane .

Með kveðju,
Svavar Kjarrval

On 6.2.2020 13:41, Arni Davidsson wrote:
> Sæl
>
> Ég er að velta fyrir mér merkingum á bílastæðum í OSM.
> Bílastæði við götu sem eru með gjaldskyldu hafa verið merkt að því er 
> virðist með 'Tag:amenity=parking' og teiknaður flötur sem sýnir 
> afmörkun bílastæðisins. Samsvarandi bílastæði án gjaldskyldu virðast 
> þó sjaldan eða aldrei merkt.
>
> Er rétt að merkja bílastæði samsíða götu með þessum hætti? Eru þau 
> kannski merkt svona til að getað sett inn upplýsingar um gjaldskyldu, 
> fjölda stæða o.s.frv.
>
> Er réttara að merkja þau á einhver hátt sem hluta götunnar og er hægt 
> að merkja þau þannig?
>
> Þess má geta að ég hef sérstakan áhuga á fjölda bílastæðanna og að 
> geta dregið út þær upplýsingar sem eru settar inn um bílastæði úr OSM 
> og unnið með þær síðar og tekið saman yfirlit yfir fjölda og gerð stæða.
>
> kveðja
> Árni Davíðsson
>
> -- 
> Árni Davíðsson
> arnid65 at gmail.com <mailto:arnid65 at gmail.com>
>
> _______________________________________________
> Talk-is mailing list
> Talk-is at openstreetmap.org
> https://lists.openstreetmap.org/listinfo/talk-is