[Talk-is] Átak í Hafnarfirðinum

[Svavar Kjarrval]

Hæ póstlisti!

Ég hef áður „nöldrað“ yfir Hafnarfirðinum en ætla ekki að gera það núna. 
Ef ég geri það mun einhver annar verða þreyttur á því og taka alla 
vinnuna frá mér. ;)

Svo ég komi mér að efninu, þá er á áætlun að klára Hafnarfjörðinn á 
árinu. Aðalmarkmiðið er að því ljúki fyrir árslok. Öðrum er velkomið að 
taka þátt ef þeir óska, hvort sem það er í samstarfi við mig eða 
sjálfstætt. Símanúmerið mitt og netfang er hér neðst ef einhver 
vill/þarf að ná sambandi við mig.

Áætlunin er gróflega svona (í röð):
1. Safna vegahnútum fyrir öll hverfi aftur (fyrir utan þær götur sem ég 
hef þegar sett inn), líklegast í þessari röð:
 * Ásland 
(http://www.openstreetmap.org/?lat=64.05422&lon=-21.94151&zoom=16&layers=B000FTF).
 * Holtið og götur hjá Suðurhöfn 
(http://www.openstreetmap.org/?lat=64.06311&lon=-21.98376&zoom=15&layers=B000FTF).
 * Setbergið 
(http://www.openstreetmap.org/?lat=64.06668&lon=-21.91771&zoom=15&layers=B000FTF).
 * Götur á „þessu svæði“ fyrir utan Hvammagöturnar sem ég setti inn 
(http://www.openstreetmap.org/?lat=64.06285&lon=-21.9519&zoom=16&layers=B000FTF).
 * Miðbærinn og Hraunin austan Reykjavíkurvegar 
(http://www.openstreetmap.org/?lat=64.07492&lon=-21.93799&zoom=15&layers=B000FTF).
 * Nýja verslunarsvæðið ásamt nálægu svæði norðan Reykjanesbrautar 
(http://www.openstreetmap.org/?lat=64.07721&lon=-21.91653&zoom=15&layers=B000FTF).
 * Vesturbærinn 
(http://www.openstreetmap.org/?lat=64.07541&lon=-21.9596&zoom=15&layers=B000FTF).
 * Norðurbærinn - þ.e. allt vestan Reykjavíkurvegur á kortinu fyrir utan 
Vesturbæinn (sama kort).
 * Bera saman afraksturinn við önnur kort og sjá hvort vanti eitthvað 
upp á. Ef svo er, redda viðeigandi hnútum.

2. Safna POI (points of interest) og þá meðal annars:
 * Skólar þ.e. leikskólar, grunnskólar og framhaldsskólar.
 * Hverfisstaðir (búðir, sjoppur, fyrirtæki o.s.frv.) sem hafa verið 
þarna frá „örófi alda“.
 * Þekktar keðjur sem hafa útibú í Hafnarfirði (verslanir, bankar).
 * Strætisvagnastöðvar (mun spyrja Strætó bs. um hnitin eða safna 
sjálfur ef svarið er neitandi).
 * Bensínstöðvar.
 * Söfn (m.a. bókasafnið).
 * Almenningsþjónusta (lögreglustöðin, bæjarskrifstofa o.s.frv.)
 * Kirkjugarðurinn.
 * Umferðarljós og umferðarmerkingar eftir því sem OSM-táknun leyfir.
 * Almenningsgarðar og helstu bílastæði.

3. Aukadót sem ég vonast eftir en gæti verið að það komist ekki inn:
 * Húsnúmer. Annaðhvort frá opinberum gögnum eða safnað sjálfstætt. Ef 
það síðarnefnda á við mun ég sjá til hversu mikið ég mun nenna að safna 
og setja inn.
 * Bæjarmörkin út frá opinberum gögnum.
 * POI sem hægt er að fá út frá opinberum gögnum.
 * Göngustígar.

- Í sumum tilvikum mun ég setja inn nýjar götur og í öðrum setja inn nýjar.
- Ég mun líklegast safna veghnútum í öðrum bæjum inn á milli.
- Þegar ég meina opinber gögn, þá meina ég gögn sem eru frá hinu 
opinbera og til frjálsra afnota (leyfi sem samræmast CC eða í 
almenningseigu).
- Býst við því að setja allan afraksturinn inn jafnóðum þ.e. matað inn 
eftir því sem lengra er komið.

Fyrsti liðurinn ætti að taka 1-2 mánuði. Annar liðurinn gæti tekið 
jafnlangan tíma þar sem ég mun standa í bréfasamskiptum og síðan safna 
saman þeim stöðum sem eiga heima á OSM og merkja inn. Veit ekki hvað 
þriðju liðurinn mun taka langan tíma en það aðallega fer eftir 
samvinnuþýði hins opinbera og nennu minni. Tímarnir eru þar að auki 
háðir því hversu mikið annað er að gera hjá mér.

Ef allt gengur eftir ætti að verða úr þessu routanlegt kort af 
Hafnarfirði sem yrði nothæft í leiðsagnartækjum.

-- 
Með kveðju / With regards,
Svavar Kjarrval (svavar at kjarrval.is)
s. 863-9900