[Talk-is] Fundarboð: Stofnfundur félags um opin og frjáls landupplýsingagögn

[Jóhannes Birgir Jensson]

Búið að stofna rás varðandi íslenska hluta OSM á irc://irc.oftc.net:6667

http://www.oftc.net/

Rásin er #osm-is í samræmi við aðrar #osm rásir þar. Hægt er að tengjast 
með hefðbundnum IRC-client eða með WebChat í browser: 
http://webchat.oftc.net/
Nick: Þitt nafn
Channel: #osm-is

Gert er ráð fyrir því að á fundinum verði þessi rás vöktuð og þeir sem 
þar eru staddir geti tekið þátt.



Þann 15.10.2013 16:12, skrifaði Svavar Kjarrval:
> Hér með er formlega boðað til stofnfundar félags sem hefur þann 
> tilgang að vera í forsvari fyrir málstað opinna og frjálsra 
> landupplýsingagagna eins og þau sem OpenStreetMap heldur utan um. 
> Stofnfundurinn mun eiga sér stað í salnum Kórinn á 1. hæð Bókasafns 
> Kópavogs[1] fimmtudaginn 24. október 2013 klukkan 17-19. Open Access 
> vikan er 21. til 27. október og er táknræn fyrir það sem félagið mun 
> standa fyrir.
>
> Nafn félagsins er ekki fastslegið og er opið fyrir tillögur þar til 
> stofnfundur tekur ákvörðun. Þær tillögur sem hafa borist eru:
> Almenna kortafélagið
> Almenna landupplýsingafélagið
> Hið Almenna land[a]fræðifélag (HAL)
>
> Meðfylgjandi eru drög að samþykktum félagsins en þær gætu tekið 
> breytingum í meðförum stofnfundar.
>
> [1] 
> http://www.openstreetmap.org/?mlat=64.11163&mlon=-21.90930#map=17/64.11163/-21.90930
>
> Með kveðju,
> Svavar Kjarrval
>
> --------------------------------------
> Drög að lögum félagsins:
>
> 1. gr.
> Félagið heitir ...
>
> 2. gr.
> Heimili félagsins og varnarþing er lögheimili formanneskju félagsins.
>
> 3. gr.
> Tilgangur félagsins er að vera í forsvari fyrir málstað opinna og 
> frjálsra landupplýsingagagna.
>
> 4. gr.
> Tilgangi sínum hyggst félagið ná með almennum kynningum á málstaðnum 
> ásamt samskiptum við hið opinbera og aðra aðila eftir því sem þörf er á.
>
> 5. gr.
> Rétt á að ganga í félagið eiga allir þeir sem eru hlynntir markmiðum 
> þess. Skráning í félagið skal ætíð vera í boði.
>
> 6. gr.
> Starfstímabil félagsins er almanaksárið.  Á aðalfundi skal stjórn gera 
> upp árangur liðins árs.  Aðeins félagsmenn hafa atkvæðisrétt á 
> aðalfundi en allir skulu hafa málfrelsi og tillögurétt.
>
> 7. gr.
> Aðalfund skal halda eigi síðar en 1. júní ár hvert og skal boða til 
> hans með að minnst tveggja vikna fyrirvara með sannanlegum hætti, sem 
> meðal annars telst sem tilkynning send á netföng félagsmanna.  
> Aðalfundur er löglegur, sé rétt til hans boðað. Ef aðalfundur telst 
> ekki löglega boðaður skal boða til nýs aðalfundar að viku liðinni. 
> Einfaldur meirihluti mættra félagsmanna ræður úrslitum mála.
>
> Dagskrá aðalfundar skal vera sem hér segir:
> 1. Kosning fundarstjóra og fundarritara
> 2. Skýrsla stjórnar lögð fram
> 3. Reikningar lagðir fram til samþykktar
> 4. Lagabreytingar
> 5. Ákvörðun félagsgjalds
> 6. Kosning stjórnar
> 7. Önnur mál
>
> Heimilt er að leyfa félagsmönnum að taka þátt í aðalfundarstörfum og 
> greiða atkvæði með rafrænum hætti. Þátttaka með rafrænum hætti telst 
> mæting. Stjórn setur nánari reglur um framkvæmd rafrænna kosninga.
>
> 8. gr.
> Stjórn félagsins skal skipuð 3 félagsmönnum, formanneskju og 2 
> meðstjórnendum,  kjörnum á aðalfundi til eins árs í senn. Stjórnin 
> skiptir með sér verkum.  Stjórn félagsins fer með málefni félagsins 
> milli aðalfunda.  Formanneskja boðar til funda. Firmaritun og prókúra 
> er í höndum meirihluta stjórnar.
>
> 9. gr.
> Ákvörðun um félagsgjald skal tekin á aðalfundi. Greiðsla þeirra skal 
> vera valkvæð. Félaginu er heimilt að taka við styrkjum ásamt því að 
> standa í sölu á vöru eða þjónustu í þeim tilgangi að fjármagna 
> starfsemi þess.
>
> 10. gr.
> Rekstrarafgangi/hagnaði af starfsemi félagsins skal varið í samræmi 
> við tilgang félagsins. Sé hann ekki allur nýttur á einu starfstímabili 
> skal afgangurinn flytjast yfir á það næsta.
>
> 11. gr.
> Lagabreytingar skulu eingöngu eiga sér stað á aðalfundi. Tillögur um 
> lagabreytingar skulu hafa borist stjórn félagsins 10 dögum fyrir 
> aðalfund. Þær skulu sendar félagsmönnum í tölvupósti með minnst viku 
> fyrirvara fyrir aðalfund. Þær skulu eingöngu teljast samþykktar ef þær 
> teljast löglega kynntar og hljóta 2/3 hluta atkvæða þeirra félagsmanna 
> sem mættir eru á löglegan aðalfund.
>
> 12. gr.
> Ákvörðun um slit félagsins verður eingöngu tekin á aðalfundi með 
> einföldum meirihluta atkvæða. Skulu eignir þess að frádregnum skuldum 
> vera færðar til Félags um Stafrænt Frelsi á Íslandi til varðveislu þar 
> til annað félag er stofnað sem telst vera sannarlegur arftaki félagsins.
>
> Lög þessi voru samþykkt á stofnfundi félagsins.
> Dagsetning: 24.10.2013.
>
>
> _______________________________________________
> Talk-is mailing list
> Talk-is at openstreetmap.org
> https://lists.openstreetmap.org/listinfo/talk-is

-------------- next part --------------
An HTML attachment was scrubbed...
URL: <http://lists.openstreetmap.org/pipermail/talk-is/attachments/20131015/3f9f75bf/attachment-0001.html>